IdToba.com

Log In

Home > Lifestyle > Holong Ni Dainang Maranakkon

Register Login Tulis Artikel

Holong Ni Dainang Maranakkon

holong-ni-dainang-idtoba

IdToba.com – Huingot dope inong ditikki naing borhat sikkola au naik motor sibual-buali i, Huingot dope, ditikki hujalo ongkos motor na nungga manunggak marbulan-bulan ndang marbayar…

Huingot dope tikki i dungo ma au pukkul opat, maridi ias, marpahean nanungga massai uli idaon, ndang nian naing hujalo ongkos ni motor i tu halak among dohot inong, ala huboto do kondisi ni ekonomi ta, loas ma au sai maos dimuruki par motor i, ala hudok sabar jo lae, ndang manggotil dope hami, sipata maila do nian iba, molo sai dijalo ongkos i mulak ulak di motori, ai torop do akka dongan disi umbegesa,

alai ni lesenganma parmotori nipaabbal pakkataion niajju, asa unang dipalao iba sian motorna i, loas ma nian maila au asalma unang hususai hamu ninna rohakku,,

alai leleng hupikkiri inong, ai motor on ndang na sahat tu sikkola molo so adong miakna, jadi ndang boi so leanon ongkos na, asa adong pas si miakna ninna roha muse…

hujalo ma inong ongkos ni motor i tu damang parsinuan i, huingot dope i, ditikki modom dope hamu, ai sogot dope pukkul lima manogot, hutuktuki ma pittu nikamar muna i, hut hudok “among nga manunggak ongkos ni motor hu tu sikkola, sinasaon ma balgana,”

dungi dimuruki damang ma au, ai ho majjalo sijaloon toppu-toppu, ai na dirippu ho do par bank au, disi dijalo ho, ba disi attor adong?, hut balga soara ni damang i mandok tu au, toho do nian na nidok ni among, au pe ndang tung ia rohakku lao majjalo, jot-jot do nian hudok tu dainang, ai holan tu dainang do au barani mandok sidohonon,,

alai di tikki i, na terpaksa nama hudok tu among ongkos i, unang apala dipaila au nian di motor i… dijolo ni akka donganku…

holong-ni-dainang-idtoba
holong ni dainang – idtoba

umbege hata ni among i songoni songgot rohakku, jala tarilu, ndang tardok manang aha, ai tohodo na nidokna i, , pas muse nga ro motor sikkola i, langsung marikkat ma au, borhat tu sikkola naik motor i, unang sanga ditinggalhon,
ndang apala lungun nian rohakku nang pe so adong dilean among i ongkos i, nang pe dimuruki au tikki manjalo hepengi, na mambaen maraburan ilukki inong,

ditikki i nga huddul au dibangku ni motor i hohom hut paema pajjalo ongkos bulanan i, ,ninna donganku ma tu au, hut di goit tanggurung hi “ito, lae, berengma inongmu do an kan?, ninna tu au, boasa marikkati? ” dungi hubereng ma doppak pudi…

marlojong ho inong, tarhodok, hira-hira 400 meter daona sian motor i, sambil mardalan motor on hut dilele ho, asa boi dapotmu motor sikkola hi,

dungi hudokma maradi jo lae, satokkin, adong na naing si dohonon ni inongku….
au pe laos ma oto inong ndang hudappotton inong nunga loja marikkati mandapothon au tu motor i,,, gabe tarilu-ilu do au inong di tikki i,

dung dapotmu au dimotor i, nimmu ma tu au, “amang, nion ongkos mi da, unang tangis ho da amang, burjuma ho sikkola, unang tu roham na nidok ni among mi…”

sohuboto manang sian dia dilului ho i inong, nasai balga,, huingot dope i inong, ndang tarbereng au be doppak jolo, huddul ma au dihuddulan hi, hut sai tumatangis, laos martangiang “Tuhan burju ni dainang hi, pola do ro mandapotton au marlojong, tu motor on, hut tarhodok ,, holan asa unang maila au dimotor on alana so marbayar dope ongkos hi, asi roham Tuhan, parbisuki au, anggiat boi nian hupasonang dainang hi… anggiat tong marsangap goar-Mu..

huingot dope i inong, pos roham inongku naburju, ikkon pasonang on hu do ho…
Tangiangkonma anakmon torus, asa lam tudengganna akka passarian dipangarattoan on…
Mauliate inongku naburju… boru Tumorang..

Sai gajjangma umur mu..
asa boi nian hupasonang roham,
dohot amongi..

#Songonima sahatna…
#Nostalgia Burju Ni Dainang maranakkon uju sikkola SMA dope au di SMA 1 Dolok Sanggul.. 7 taon naung salpu..
#Sibual-buali gabe saksi dohot akka dongan samotor tu sikkola i..
#ikkon jolma na hasea do au diratto on….
#SIBULUAN-DOLOKSANGGUL!
#Motor Sibual-buali..

HORAS…
anggiat marippola goretan on..
HORAS ANAK RANTAU!!
Jangan Lupa Like & Bagikan

Mauliate…
Tuhan mandongani hita ganup marsada-sada..
PASANGAP NATORASMU!!
#Bukti Hasintongan Manullang, SH

Source : FP Pencinta Budaya Batak

Admin
Pernando Harianja
Pemilik dan Pengelola IdToba.com - Berusaha memperkenalkan dunia Batak ke mancanegara melalui dunia digital yang modern saat ini, agar budaya batak lebih diakui dan disertakan keindahan wisata tanah Batak.
https://idtoba.com